पुतलीसडकस्थित सेयरमार्केट भवनमा सोमबार बिहान आगलागी भएको छ। भवनकौ चौथो तल्लामा रहेको एनआईसी ट्रेडिङ सेन्टरमा आज बिहान करिब १० बजे आगलागी भएको प्रहरीले जनाएको छ।
आगो नियन्त्रणका लागि काठमाडौं महानगरपालिका, नेपाली सेनाको दमकल तथा प्रहरी र स्थानीय खटेका थिए। आगलागी नियन्त्रणका लागि जुद्ध बारुण यन्त्रका तीन तथा ललितपुर महानगर, भक्तपुर नगरपालिका, नेपाली सेना र नेपाल प्रहरीको एक/एक गरी सातवटा दमकलको प्रयोग भएको थियो।
थोरै समयमै आगो नियन्त्रणमा आएकाले ठूलो क्षति हुनबाट जोगिएका प्रहरीले जनाएको छ। आगलागीको कारण र क्षतिको विवरण आइनसकेको प्रहरीले जनाएको छ।
https://www.youtube.com/watch?v=tC0e8Ehem7c&feature=youtu.be
हेर्नुहोस् तस्बिरमा
सबै तस्बिरहरू : नारायण महर्जन /सेतोपाटी
