प्रधानन्यायाधीश गोपाल पराजुलीविरुद्ध नाराबाजी गर्दै डाक्टर केसीको समर्थनमा जुटेकालाई पक्राउ गरेको प्रहरीले केहीबेर अघि रिहा गरेको छ।
पक्राउ गरी उनीहरूलाई वैद्यखानासँगकै महानगरीय प्रहरी वृत्त सिंहदरबारमा राखिएको थियो।
सर्वोच्च अदालतमा हाजिर हुन पुगेका डाक्टर गोविन्द केसीका समर्थकहरूले बबरमहलस्थित जिल्ला प्रशासन कार्यालय घेराउ र नाराबाजी गर्न पुगेका थिए।
केसीका समर्थक र प्रहरीबीच केहीबेर झडपसमेत भएको थियो। निषेधित क्षेत्रमा प्रदर्शन गरेको भन्दै प्रहरीले उनीहरूलाई पक्राउ गरेको थियो।
केसीका समर्थकहरूले प्रधानन्यायाधीश पराजुलीविरुद्ध कडा नारावाजी गरेका थिए।
पक्राउ पर्नेहरूमा शशी विक्रम कार्की, प्रितम सुवेदी, सलिम पोखरेल, अभिनास बस्नेत, भावना राउत, विवद दाहाल, नारायण कँडेल, शिशीर बन्जाडे, गोमेश सिंह उप्रेती, राजिया बानु, सोनाम ठिमी, सौरभ न्यौपाने र विनोद राज भण्डारी छन्।
अदालतको अवहेलना मुद्दामा हाजिर हुन डाक्टर केसी आज सर्वोच्च अदालत पुगेका थिए।
