फ्रुटीको बाकस भित्र गाँजा लुकाएर तस्करी गर्न खोज्ने तीन जना पक्राउ परेका छन्।
मकवानपुर प्रहरीले हेटौंडाको रातोमाटेबाट ६६ केजी गाँजासहित तीन जनालाई पक्राउ गरेको हो। पक्राउ पर्नेमा आईत लामा, राजकुमार चौधरी र निराज चौधरी छन्।
ना ५ ख ७७०७ नम्बरको ट्रकमा लुकाएर उनीहरुले गाँजा तस्करी गर्न खोजेको मकवानपुरका डिएसपी दिलिपनाथ झाले बताए।
गाडीमा माथि फ्रुटी लोड गरिएको र भित्री भागमा ६ वटा पोकामा ६६ केजी गाँजा लुकाइएको प्रहरीले जनाइएको छ।
पक्राउ परेका लामा तस्करीमा संलग्न व्यक्ति हुन् भने राजकुमार चालक र निराज सहचालक हुन्।
