काठमाडौंको मच्छिन्द्रबहालमा चक्कु प्रहारबाट एक जनाको हत्या भएको छ।
दोलखाका ५३ वर्षीय तुलबहादुर तामाङको हत्या भएको महानगरी प्रहरी वृत जनसेवाका डिएसपी मनकुमार थापाले जानकारी दिए। तामाङ सुरक्षा गार्ड हुन् ।
मछिन्द्रबहाल क्लवले उनलाई इष्टवेष्ट सेक्युरिटिजबाट हायर गरेको थियो । मछिन्द्रबहालमा रहेका पसलहरुको सुरक्षार्थ खटेका बेला उनीमाथि चक्कु प्रहार भएको हो।
'उनी रातको समयमा आगो तापेर बसिरहेका थिए, एक युवाहरुको समूह आएर उनीमाथि टाउको रड र चक्कु प्रहार गरेको खुल्न आएको छ,' डिएसपी थापाले सेतोपाटीसँग भने।
प्रहरीले सिसिटिभी फुटेज हेरेर अनसन्धान सुरु गरेको छ। सडकमा वेहोस अवस्थामा रहेका बेला प्रहरी गस्ती टोलीले उनलाई वीर अस्पताल लगेको थियो।
लुटेराहरुको समूहले उनको हत्या गरेको हुन सक्ने प्रहरीले अनुमान गरेको छ।
