पोखरा लेखनाथ महानगरपालिका १९ पुरनचौरको पाल्लेमा ट्रिपरले ठक्कर दिँदा मोटरसाइकलमा सवार स्कूले विद्यार्थीको मृत्यु भएको छ।
भुर्जुङ खोलाबाट पोखरातर्फ आउँदै गरेको ग५प ५०७५ मोटर साइकललाई पोखराबाट जाँदै गरेको ना६ख ९००५ नम्बरको ट्रिपरले ठक्कर दिँदा मोटरसाइकलको पछाडि बसेका विद्यार्थीको मृत्यु भएको प्रहरीले जानकारी दिएको छ।
पोखरा १९ पुरनचौरका १३ वर्षिय सबिन बास्तोलाको मृत्यु भएको प्रहरीको भनाई छ । ट्रिपरले मोटरसाइकको हेन्डिलमा ठक्कर दिँदा मोटरसाइकल चालक विपरीत साइडमा ढलेका थिए भने बास्तोला टिपरको साइडमा ढल्दा ट्रिपरको पछाडिको भागले किचेको प्रहरीको भनाई छ । बास्तोला भारती भवन माविमा कक्षा ७ मा अध्ययनरत थिए ।
