दाङमा बसको ठक्करबाट एकजना महिलाको मृत्यु भएको छ।
बबई गाउँपालिका वडा नं. ४ सुन्दरखाल निवासी अन्दाजी ४५ वर्षीया हिरा रानाको बसको ठक्करबाट मृत्यु भएको दाङ प्रहरीले बताएको छ।
बिहिबार बिहान साढे ९ बजेतिर बबई ४ सुन्दरखालमा पैदल हिडिरहेकी यात्रु रानालाई ग १ ख ७७०३० नम्वरको बसले ठक्कर दिएको थियो। बसको ठक्करबाट गम्भीर घाइते रानाको राप्ती अञ्चल अस्पताल तुलसीपुरमा उपचारका क्रममा मृत्यु भएको प्रहरीले जानकारी दिएको छ ।
बसका चालकलाई प्रहरीले नियन्त्रणमा लिएको छ ।
