राजविराजबाट काठमाडौं आउँदै गरेको एउटा बस धादिङको गजुरी ५ घारबेसीबाट त्रिशुली नदीमा खस्दा बेपत्ता भएका २० मध्ये १६ जनाको शव भेटिएको छ।
महिला, पुरुष र एक बालकको गरी १६ शव निकालिएको इलाका प्रहरी कार्यालय गजुरीका प्रहरी निरीक्षक बरुण सिंहले जानकारी दिए।
आज विहान साढे ५ बजेतिर ना ६ ख १४६७ नम्बरको बस सडकबाट नदीमा खसेको थियो ।
दुर्घटनामा परि घाइते भएका १६ जनाको तत्काल उद्धार गरिएको थियो।
घाइतेहरुको उद्धार गरेर गजुरी अस्पतालमा भर्ना गरिएको छ। २ जनालाई राजधानी ल्याइएको छ।
राजविराजबाट यात्रु लिएर आएको बस हेटौंडामा आएर अर्को बसमा यात्रु हालेर पठाइएको थियो।
हराइरहेकाहरुका खोजीका लागी गाेताखाेर र क्रेन परिचालन गरिएको छ।
