एकीकृत समाजवादी पुनर्गठन अभियानमा लागेको घनश्याम भूसालले नेताका सत्तास्वार्थले कब्जा गरेको हाम्रो वामपन्थी आन्दोलन सङ्कटग्रस्त रहेको बताएका छन्। सामाजिक सञ्जाल फेसबुकमार्फत् भूसालले सबै नेताहरूले भदौ २३ गतेको जेनजी आन्दोलन र २४ गतेको विध्वंशमार्फत समाजले दिएको धेरै शक्तिशाली सन्देश नसुनेझैँ गरेर बालुवामा टाउको घुसारेर बसेको बताएका छन्।
‘यो महिना र आगामी निर्वाचनसम्म अझ ठूला दुर्घटना हुनेछन्,’ उनले भने काछन्।
केपी शर्मा ओलीले नेकपा एमालेको जहाजलाई भयानक दुर्घटनातिर लैजाँदै गरेको पनि उनको दाबी छ। आत्मप्रसंशा, असहिष्णुता, उद्दण्डता, पपुलिज्म, मूल्यहीनताबाट ओलीले जति अर्को कुनै व्यक्तिले नेपालको राजनीतिक संस्कृतिलाई प्रदूषित नगरेको उनको टिप्पणी छ।
‘कमरेड ओलीले आफ्नो जीवनमा अब गर्न बाँकी रहेको एउटा मुख्य काम नेकपा एमालेलाई कहिल्यै उठ्न नसक्ने बनाउनु हो। सम्भवतः आगामी महाधिवेशनमा त्यो कर्म सम्पन्न गर्नेछन्। कमरेड ओलीलाई त्यसमा ग्लानी हुने छैन बरू आफ्नो सामर्थ्यमा अभिमान नै हुनेछ। त्यसबाट हुने क्षति मुलुकले पनि व्यहोर्नै पर्नेछ। कमरेड ओलीको दिशा र दशा दुनियाँले थाहा पाइसकेको हुँदा भन्नु पर्ने कुरा कम छन्, बरु देख्नु पर्ने घटना केही बाँकी छन्,’ उनले भनेका छन्।
-1762325099.jpg)
-1746009348.jpg)
