नेकपा (एमाले) को विघटित संसदीय दल बैठक मंगलबार बस्दैछ। निवर्तमान प्रमुख सचेतक महेश बर्तौलाका अनुसा एमालेले विघिटित प्रतिनिधि सभाका सांसदहरूलाई दिउँसो १ बजे पार्टी मुख्यालय च्यासलमा उपस्थित हुन भनेको छ।
बैठकमा अध्यक्ष ओलीले निर्देशनात्मक मन्तव्य दिने उनले बताए। एमाले सचिवालय, केन्द्रीय कमिटी बैठकले प्रतिनिधि सभा पुनःस्थापनाका लागि दबाब दिन जनपरिचालन गर्ने निर्णय गरेर तहगत संरचनामा भेला, प्रदर्शन गरिरहेको छ। वडा, पालिका र जिल्ला तहमा प्रदर्शन गरिसकेको छ।
तर संसद पुनःस्थापनाको मुद्दा लिएर ऊ अदालत भने गएको छैन। नेपाली कांग्रेससँग साथ खोजिरहेको छ।
‘प्रतिनिधि सभा विघटनको कानुनी र संवैधानिक परीक्षण हुनुपर्छ। कसरी गर्ने भन्नेबारे छलफल गर्नुपर्नेछ,’ बर्तौलाले सेतोपाटीसँग भने, ‘पार्टीले निर्णय गरिसकेको सन्दर्भमा अबको बाटो के हुने भनेर अध्यक्षले निवर्तमान सांसदलाई मात्रै निर्देशन दिने तयारी छ।’
उनले मुलुकको पछिल्लो अवस्था र निवर्तमा सांसदहरूले खेल्नुपर्ने भूमिकाबारे पनि बैठकमा छलफल हुने र समान धारणा तय गरेर जाने सन्दर्भमा निर्णय हुने उनले बताए।
एमालेले कांग्रेसको साथ खोजे पनि नेपाली कांग्रेसले पुनःस्थापनामा नजाने बताइसकेको छ। सोमबार सभामुखसँगको छलफलमा कांग्रेसका निवर्तमान प्रमुख सचेतक श्याम घिमिरेले पुनःस्थापनामा जानेबारे पार्टीभित्रै मत बाझिएको र नजाने निर्णय गरेको सुनाएका थिए।
यस्तो अवस्थामा एमालेको बाटो के हुने, आजको छलफलले तय गर्ने नेताहरूले बताएका छन्।
-1763106181.jpg)
-1746009348.jpg)
