राष्ट्रिय स्वतन्त्र पार्टीले मतदाता नामावलीमा नाम दर्ता गराउने समयावधि थप गर्न सरकारलाई आग्रह गरेको छ।
पार्टी महामन्त्री कविन्द्र बुर्लाकोटी तथा केन्द्रीय सदस्य एवं निवर्तमान सांसदहरू गणेश पराजुली, अशोक चौधरी र शिव नेपालीले निर्वाचन आयोग गई समयावधि थप्न माग गरेका हुन्।
निर्वाचन आयोगले कात्तिक ३० गतेसम्म नयाँ नामावली दर्ताका लागि समय तोकेको छ। यद्यपि प्रधानमन्त्री सुशीला कार्कीले समयावधि थप गर्न पनि सक्ने गरी आजै निर्देशन दिएकी छन्।
‘अनुरोध पत्रमा विदेशमा रहेका योग्यता पुगेका नेपाली नवयुवाहरूका लागि राष्ट्रिय परिचय पत्रका आधारमा वा सम्बन्धित राजदूतावासबाट मतदाता नामावलीमा नाम दर्ता गर्न सहजीकरण गर्न तत्काल व्यवस्था मिलाइदिन अनुरोध गरिएको छ,’ रास्वपाले बताएको छ।
आजै पार्टी केन्द्रीय सदस्य एवं निवर्तमान सांसदहरू पराजुली, चौधरी र नेपालीले गृहमन्त्री ओमप्रकाश अर्याललाई भेटेर पनि ध्यानाकर्षण गराएका छन्।
-1746009348.jpg)
