नेकपा (एमाले) का केन्द्रीय सदस्य पासाङ शेर्पाले जारी दशौं केन्द्रीय कमिटी बैठकमा पार्टीको वर्तमान नेतृत्वप्रति समर्थन जनाएका छन्।
उनले अध्यक्ष केपी शर्मा ओलीले प्रस्तुत गरेको राजनीतिक प्रतिवेदनको पनि समर्थन जनाएका छन्।
जेनजी आन्दोलनको अवसर पारी संकटको घडीमा मूल नेतृत्वमाथि नै प्रहार गर्दै पार्टी भित्र भाँडभैलो मच्चाउन खोज्ने तथा विभिन्न मिडियामा त्यस्तै प्रकारका अभिव्यक्ति दिने सचिवालयभित्रका नेताहरूमाथि यस बैठकले कारबाही गर्नुपर्ने कुरा समेत उनले राखे।
‘विधान महाधिवेशनमा असहमति केही थियो कि भनेर अध्यक्षले सोध्दा सबैले ठिक छ भनेर सहमति जनाए। अनि जेनजी आन्दोलनले आगो लगाएपछि अब केपी ओलीले नहुनु पर्छ, बिदा लिनु पर्छ भन्दै हिँड्ने — यस्तो व्यवहार देखेर म दु:ख व्यक्त गर्छु,’ उनले भने।
यसरी केपी ओलीलाई हटाउनुपर्ने भन्ने एजेन्डा विदेशी खुफिया एजेन्डा भएको दाबी गरे।