नेकपा (माओवादी केन्द्र)को महाधिवेशन आयोजक समितिका संयोजक पुष्पकमल दाहाल 'प्रचण्ड'ले आफू रिटायर्ड लाइफ नबिताउने बताएका छन्।
शुक्रबार प्रेस सेन्टरले काठमाडौंमा आयोजना गरेको सम्पादकहरूसँगको छलफलमा संयोजक प्रचण्डले राजनीतिक भूमिकामा सक्रिय भइरहने बताएका हुन्।
यद्यपि पार्टीको प्रमुख नै भइरहनुपर्छ भन्ने पक्षमा आफू नरहेको उनले बताए।
'रिटायर्ड लाइफ त बिताउन्न तर म पार्टी प्रमुख भइरहनु पर्छ भन्ने छैन,' उनले भने।
तीन पार्टी र तीन नेता उस्तै हो भन्ने भाष्य निमाण गरिएकोमा पनि उनले गुनासो गरे।
'यसरी खबरदारी गर्ने दल र मलाई पनि उही डालोमा हाल्दा चित्त दुखेको छ,' उनले भने, 'म लिडरसिप छोड्न तयार भएको र ज्यान जाला छोड्दिन भन्ने पनि उस्तै हो र?'
संयोजक प्रचण्डले जेनजीको मागमा आफूहरूको समर्थन रहेको पनि बताए। जेन–जी विद्रोहलाई सम्मान नगर्ने हो भने मुलुक पछाडि पर्ने उनको भनाइ थियो।
‘नैतिक र राजनीतिक दृष्टिले हामी त्यसको सम्मान गर्छौं। यसलाई सम्बोधन गर्न सकिएन भने हामी पछाडि पर्छौं,’ उनले भने।
उनले अहिलेको आवश्यकता फागुन २१ गते तोकिएको निर्वाचन सफल गराउनु नै रहेको उनको भनाइ थियो।
‘जेनजीले मागकै कारण नेतृत्व छोडेर महाधिवेशनमा जान लागेको हुँ। म निवृत्त जीवन बिताउन्न। तर म पार्टी प्रमुख भइरहनु पर्छ भन्ने छैन। पुरानो नेतृत्वले अब बिनाभूमिकामा काम गर्नेछ,’ उनले भने।
उनले आफूलाई कहिलेकाहीँ ज्योतिषीजस्तो लाग्ने पनि बताएका छन्।
'मलाई आफ्नै पुरानो भाषण सुनेँ भने ज्योतिषीले बोले जस्तो लाग्छ, जे भन्यो त्यही भएको छ,’ उनले भने।
-1746009348.jpg)
