'हामी नेपाल' का संयोजक सुदन गुरूङले आफूहरूको नाम प्रयोग गरी आपराधिक गतिविधिहरू भड्काइएको बताएका छन्।
मंगलबार सामाजिक सञ्जाल फेसबुकमा लेख्दै उनले आफूहरू कुनै हिंसात्मक गतिविधिमा विश्वास नगर्ने पनि बताएका हुन्।
'हामी कुनै पनि हिंसात्मक गतिविधिमा विश्वास गर्दैनौं। हाम्रो नाम प्रयोग गरी आपराधिक गतिविधिहरू भड्काइँदैछ। त्यस्तो कार्य गर्नेहरूले कानुन बमोजिम सजाय भोग्नुपर्नेछ,' उनले भनेका छन्।
आफूहरूको आन्दोलन सधैं शान्तिपूर्ण थियो र रहनेछ भन्दै उनले सबैलाई त्यस्ता कार्यमा संलग्न नहुन र त्यस्ता गतिविधि हुन नदिन आग्रह पनि गरेका छन्।
'हामी राजनीतिक दलहरूलाई खबरदारी गराउन चाहन्छौं कि राजनीतिक षड्यन्त्र गर्ने र गराउने यो समय होइन,' उनले लेखेका छन्, 'अब जनता जागिसकेका छन्; हामीलाई फुटाउन कुनै प्रयास नगरियोस्।'
-1746009348.jpg)
