नेपाली कांग्रेस केन्द्रीय कार्यालय सानेपामा नेता कार्यकर्ताहरूले बिपी कोइरालाको फोटो राखेका छन्।
भदौ २४ गते जेनजीको प्रदर्शनका क्रममा कांग्रेस कार्यालय तोडफोड र आगजनी भएको थियो। आगलागीबाट कांग्रेस कार्यालय जलेको छ।
केन्द्रीय सदस्य नैनसिंह महर, त्रिचन्द्र स्ववियु सभापति गोविन्द कोइरालालगायत नेता तथा कार्यकर्ताहरूले शुक्रबार कार्यालयमा पार्टीको झण्डा, बिपीको फोटो र हामी उठ्नेछौं लेखेको ब्यानर राखेका छन्।
केन्द्रीय सदस्य महरले संविधानको रक्षा गर्दै सम्पूर्ण देशबासी राष्ट्र पुनर्निर्माणको अभियानमा जुट्नुपर्ने बताए। जेनजीको आन्दोलनबाट जलेर ध्वस्त भएको कांग्रेस केन्द्रीय कार्यालय पुगेर महरले उक्त अपिल गरेका हुन्।
'हामी नेपालको राजनीतिको संघीन मोडमा उभिएका छौं। नेपालका जनताका पक्षमा, परिवर्तनका पक्षमा रहेका नेपाली जनताले आज पनि नेपाल पुनर्निर्माणमा योगदान दिनुपर्ने बेला आएको छ। नेपालका सरकारी संरचना ध्वस्त भएका छन्। यसबाट हामी आत्तिनु हुँदैन। खरानीबाट पनि मुलुकहरू माथि उठेका थुप्रै उदाहरण हामी सामू छन्। हिरोसिमा र नागसाकी जस्तै हामी पुनर्निर्माण गरेर देशलाई जुरूक्क माथि उठाउन सक्छौं,' महरले भने।
तस्बिरहरू:
-1746009348.jpg)
