सत्तारूढ नेकपा (एमाले)का सांसद योगेश भट्टराईले नख्खु कारागारमा रहेका राष्ट्रिय स्वतन्त्र पार्टीका सभापति रवि लामिछानेलाई पूर्वप्रधानमन्त्रीसमेत रहेका नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'ले भेटेको विषयमा आपत्ति जनाएका छन्।
बिहीबार प्रतिनिधि सभा बैठकमा बोल्दै सांसद भट्टराईले अख्तियार र अदालतमा मुद्दा चलेका मानिसहरू अभियुक्त हुने र ती अभियुक्तहरूलाई पूर्वप्रधानमन्त्री हैसियतका व्यक्तिहरूले भेटेको भन्दै आपत्ति जनाएका हुन्।
भट्टराईलै प्रचण्ड आफै प्रधानमन्त्री भएको बेलामा छानबिन समिति बनाएर लामिछानेलाई अभियुक्त बनाएको तर अहिले आफै भेट्न गएको बताए।
'ओहो दुब्लाउनुभएछ, राम्रो खान पाउनुभएनछ?,' उनले भने, 'आफै प्रधानमन्त्री भएको बेलामा संसदीय छानबिन समिति बनाएर निज अभियुक्त हुन् भनेर पठाएका व्यक्ति हुन्।'
उनले प्रचण्डले सुरूमा आफैले सिस्नोपानी हानेर अहिले तेल घस्न गएको बताए।
'प्रचण्डजीले नै रविलाई सिस्नोपानी हाने। अहिले मालिस गर्दै हुनुहुन्छ। डबल स्ट्याण्डर्ड यो हो,' उनले भने।
-1742801159.jpg)
-1746009348.jpg)
