गृहमन्त्री रमेश लेखकले समानता, सशक्तिकरण र सम्भावनाका विषयहरूमा महिला प्रहरीलाई विशेष ढंगले प्रोत्साहित गर्नुपर्नेमा जोड दिएका छन्।
बिहीबार प्रहरी प्रधान कार्यालयमा प्रथम महिला प्रहरी सम्मेलन–२०८२ उद्घाटन समारोहमा बोल्दै उनले सबै सम्भावनामा महिला प्रहरी कर्मचारीलाई समाहित गर्नुपर्ने बताए।
‘सबै सम्भावनामा महिलाहरूलाई समाहित गर्न तीन ‘स’ (समानता, सशक्तिकरण र सम्भावना) को नीति अवलम्बन गरिनुपर्छ,’ उनले भने, ‘मुद्दा र नीतिहरूमा समावेश गर्ने, सशक्तिकरणको अभियान सञ्चालन गर्नुपर्ने र सबै सम्भावनामा महिलालाई समाहित गरिनुपर्छ।’
प्रहरीमा १२ प्रतिशत महिला कर्मचारी रहेको भन्दै उनले २०६२/०६३ को दोस्रो जनआन्दोलनपछि प्रहरीमा महिलाको उपस्थिति बढेको बताए।
त्यस्तै मन्त्री लेखकले नेपाल प्रहरीमा भर्ना प्रक्रियामा २० प्रतिशत महिला आरक्षणको व्यवस्था उल्लेख गर्दै उनले नेपाल प्रहरीमा परिणाममा २० प्रतिशत महिलाको उपस्थिति पुर्याउनुपर्ने बताए।
‘नेपाल प्रहरीमा भर्ना प्रक्रियामा २० प्रतिशत महिला आरक्षणको व्यवस्था छ। १२ प्रतिशत मात्रै उपस्थिति छ,’ उनले भने, ‘हामीले आरक्षणमा २० प्रतिशत होइन परिणाममा २० प्रतिशत महिलाहरूको उपस्थिति नेपाल प्रहरीमा पुर्याउनुपर्छ। यो कुरामा हामी अगाडि बढौं। प्रहरी संगठनले २० प्रतिशतको आरक्षणलाई परिणाममा २० प्रतिशत बनाउन गृहकार्य आग्रह छ।’
उनले परिणाममा महिलाको उपस्थिति २० प्रतिशत पुर्याउने विषयमा गृह मन्त्रालय र सरकारका तर्फबाट सहयोग गर्ने प्रतिवद्धता समेत व्यक्त गरे।
-1755764411.jpeg)
-1742801159.jpg)
-1746009348.jpg)
