जनता समाजवादी पार्टी नेपालले उच्च अदालतका न्यायाधीशहरूको नियुक्तिमा असमावेशी भएकोमा गम्भीर ध्यानाकर्षण भएको बताएको छ।
बिहीबार प्रेस विज्ञप्ति जारी गर्दै जसपा नेपालले साउन २२ गते न्याय परिषद्ले गरेको उच्च अदालतका न्यायाधीशको नियुक्तिप्रति ध्यानाकर्षण भएको पार्टीका प्रवक्ता मनिषकुमार सुमनले जानकारी दिए।
उनका अनुसार राज्यले गर्ने प्रायः सबै संवैधानिक नियुक्तिहरू असमावेशी हुने गरेका छन्।
'प्राज्ञहरूको नियुक्ति, संवैधानिक निकाय र आयोग, राजदूत वा विश्वविद्यालयको नियुक्तिहरू समावेशी हुन सकेनन्,' उनले विज्ञप्तिमार्फत् भनेका छन्, 'यस्ता नियुक्तिहरूमा मधेशी, आदिवासी जनजाती, थारू, महिला, मुस्लिम, अल्पसंख्यक समुदाय र पिछडावर्ग आदि समुदायलाई उपेक्षा गरिएको छ। सो कार्यले राज्यको एकल जातीय चिन्तन र नश्लवादी सोच स्पष्ट रूपले देखिन्छ।'
यस्तै, समावेशी लोकतान्त्रिक व्यवस्थाको मुल उपलब्धिलाई धरापमा पार्ने गरी राज्यले गर्ने असमावेशी नियुक्तिप्रति सदैव विरोध रहने बनाएको छ।
-1746009348.jpg)
