नेकपा (एमाले) का सांसद अच्युतप्रसाद मैनालीले प्रतिपक्षी दलहरुबाट संसदमार्फत नकारात्मक भाष्य प्रवाह भइरहेको बताएका छन्।
प्रतिनिधि सभाको आइतबारको बैठकमा बोल्दै सांसद मैनालीले प्रतिपक्षी दल राष्ट्रिय स्वतन्त्र पार्टी (रास्वपा) लाई लक्ष्य गर्दै हस्ताक्षर अभियानलाई विधिको शासन, संविधानको सर्वोच्चता र शक्ति पृथकीकरणको सिद्धान्तलाई खिल्ली उडाएको बताएका हुन्।
रास्वपाको हस्ताक्षर अभियानलाई उनले जनतालाई भ्रममा राखेर आफ्नो मनोकांक्षा पूरा गर्न खोजिएको भनेका छन्।
'संवैधानिक आयोगमा छानविन भइरहेको भिजिट सिसा प्रकरणको विषय होस्, चाहे अदालतमा विचाराधिन रहेको मुद्दाको सन्दर्भमा होस् । जुन हस्ताक्षर अभियान गरेर पार्टी निर्माणको पृष्ठभूमि र अगामी ०८४ को निर्वाचनलाई समेत ख्याल गर्दै प्रतिपक्षबाट जुन गतिविधि भएका छन् । यसले समाजमा निराशा र अन्यौलता सिर्जना गरेको छ,' उनले भने।
उनले हस्ताक्षर अभियान जनतालाई भड्काएर आफ्नो स्वार्थपूर्ति गर्ने अभिलासाबाट प्रेरित रहेको उनले बताए।
उनले संसदमा आफ्नो कुरा राख्ने र अरूलाई बोल्न नदिने परिपाटीको विकास भएको बताए।
'जुन परिपाटीको विकास भएको छ त्यो संसदीय मर्यादाभित्र रहन्छ ? हामीले जनताको भावनाअनुसार सुशासन, स्थायित्वको लगि एक भएर अगाडि बढ्नुपर्छ, ’ उनले भने। —न्युज एजेन्सी नेपाल
-copy-1745411477.jpg)
-1746009348.jpg)
