नेपाली कांग्रेसले केन्द्रीय कार्यालय विस्तार गर्ने भएको छ।
ललितपुरको सानेपामा रहेको केन्द्रीय कार्यालय विस्तार गर्नका लागि कांग्रेसले एक रोपनी तीन आना तीन पैसा जग्गा किनेको हो।
मुख्यसचिव कृष्णप्रसाद पौडेलले विज्ञप्ती जारी गर्दै सानेपास्थित कार्यालय अगाडि थप १९ आना जग्गा खरिद गरिएको बताएको जानकारी दिएका छन्। उक्त जग्गामा रहेको तीन तले घर पनि खरिद गरिएको पौडेलले जानकारी दिएका छन्।
उक्त जग्गा र घर ललितपुरका अमिरमान अमात्यसँग १३ करोडमा किन्ने सम्झौता भइसकेको छ।
कांग्रेस महामन्त्रीद्वय गगन थापा र विश्वप्रकाश शर्मा तथा कोषाध्यक्ष उमेश श्रेष्ठको उपस्थितीमा जग्गा धनीसँग १ वर्षभित्र पास गर्ने गरी सम्झौता भएको छ। बैनाबापत ५० लाख रूपैयाँ दिइएको पनि पौडेलले जानकारी दिएका छन्।
'निर्धारित १३ करोड रुपैयाँ, पार्टीको विभिन्न तहको लेवि एवं शुभेच्छुकहरूको सहयोग मार्फत सबैको अपनत्व गाँसेर चुक्ता गरिनेछ,' पौडेलले भनेका छन्।
