नेकपा (एमाले) पोलिटब्युरो सदस्य खिमलाल भट्टराईले तराईमा विद्युत आपूर्तिमा निरन्तर अवरोध भएको भन्दै ध्यानाकर्षण गराएका छन्।
तराईमा पछिल्ला दिनहरूमा ४० डिग्री वरिपरि तापक्रम पुगेको भन्दै यस्तो बेलामा विद्युत आपूर्तिमा अवरोध हुन नहुने बताएका छन्।
‘नेपाल विद्युत प्राधिकरण तराईमा बिजुली नकाटिने ग्यारेन्टी गर,’ उनले ध्यानाकर्षण गराउँदै लेखेका छन्, ‘हिजोआज तराईमा ४० डिग्री वरिपरि तापक्रम चलिरहेको छ। गर्मीले जनताको जीवन असाध्यै कष्टकर बनिरहेको छ। यस अवस्थामा बिजुलीको निरन्तरताको सुनिश्चितता होस्।’
उनले पटकपटक बिजुली काँटिदा जनतालाई कष्ट भएको बताएका छन्।
‘विद्युत प्राधिकरणका सिइओलगायत पदाधिकारीज्यूहरूको गम्भीर रूपमा ध्यानाकर्षण होस्,’ उनले भनेका छन्।
