नेपाली कांग्रेसले केन्द्रीय कार्यसमिति बैठक बोलाएको छ।
मुख्यसचिव कृष्णप्रसाद पौडेलका अनुसार साउन २३ गते बुधबार दिउँसो १ बजे केन्द्रीय कार्यसमिति बैठक बस्नेछ।
बैठक केन्द्रीय कार्यालय सानेपामा हुनेछ।
बैठकमा केन्द्रीय कार्यसमितिका पदाधिकारी, सदस्य एवं आमन्त्रित सदस्यहरू सहभागी हुनेछन्। बैठकमा समसामयिक राजनीतिक घटनाक्रम र पार्टीका आन्तरिक विषयहरूमाथि छलफल हुनेछ।
कांग्रेसले कम्तिमा २ महिनामा एक पटक केन्द्रीय समिति बैठक गर्दै आएको छ।
तत्काल केन्द्रीय समिति बैठक बस्न नसकेका बेला केन्द्रीय कार्यसम्पादन समितिबाट निर्णय गर्दै लगत्तैको केन्द्रीय समितिबाट अनुमोदन गर्ने प्रचलन पनि छ।
