कृषि तथा पशुपंक्षी विकास मन्त्री रामनाथ अधिकारीले मन्त्रालयमा कार्यरत आन्दोलित राजपत्रांकित तेस्रो श्रेणाीका प्राविधिकहरूको समस्या छिट्टै समाधान गर्ने बताएका छन्।
सोमबार पद तथा गोपनियताको शपथ ग्रहणसँगै मन्त्रालय पुगेका उनले मन्त्रालयको प्रवेशद्वारमै आन्दोलनरत कर्मचारीहरुसँग कुरा गर्दै छिट्टै समाधान खोजिने बताएका हुन्।
आफूले आन्दोलन र मागबारे गहन अध्ययन गर्ने पनि उनले बताए।
‘अहिले क्याबिनेट बस्दैछ, तपाईंहरुका समस्याहरु मैले सुनेँ। तर यसलाई राम्रो ढंगबाट अध्ययन गरेर निर्णय लिनेछु। पहिलो प्राथमिकतामा राखेर यो म अध्ययन गर्नेछु। केही समय दिनुस्, समस्याको समाधान गर्न म तयार छु। समय दिनुस्, साथमा म रहनेछु,’ उनले भने।
उनले समस्या समाधानका लागि आफू तयार रहेको पनि बताए।
