वागमती प्रदेशकी प्रस्तावित मुख्यमन्त्री अष्टलक्ष्मी शाक्यले बुधबार संसदीय दलको बैठक बोलाएकी छन् ।
प्रचण्ड–माधवकुमार नेपाल समूहले नेकपाले मुख्यमन्त्रीमा प्रस्ताव गरेकी शाक्यले वागमती प्रदेश संसदीय दलको बैठक आज बिहान ११ बजे पार्टी मुख्यालय पेरिसडाँडामा बोलाएकी हुन् ।
संसदीय दलको बैठक नबस्दा धेरै निर्णयहरु प्रभावित भएको भन्दै उनले पेरिसडाँडाको पार्टी मुख्यालयमा बैठक बोलाएको बताइन्।
यहीँ पुस १० गते मुख्यमन्त्री डोरमणि पौडेलविरूद्ध अविश्वासको दर्ता गरिएपछि प्रचण्ड–माधवकुमार नेपाल समूहले मुख्यमन्त्रीमा शाक्यको नाम प्रस्ताव गरेका थिए ।
प्रदेश इन्चार्जसमेत रहेकी शाक्यले दलको बैठकले केही औपचारिक निर्णयहरु गर्नलाई बैठक डाकेको बताइन् ।
शाक्य तत्कालीन एमालेको संसदीय दलको निर्वाचनमा पौडेलसँग १० मतले पराजय भएकी थिइन् । तर माओवादी एकीकरणपछि दलमा प्रचण्ड–माधव पक्षको बहुमत रहेको छ। आजको बैठकले शाक्यलाई दलको नेता घोषणा गर्ने एक सांसदले जनाकरी दिए ।
त्यसैगरी आज दिउँसो नेकपा प्रचण्ड–माधवकुमार नेपाल समूहको स्थायी कमिटीको बैठक बस्दैछ। संसद विघटनपछि सरकारविरुद्ध आन्दोलन गरिरहेको उक्त समूहले थप रणनीति तय गर्न बुधवार दिउँसो पेरिसडाँडास्थित कार्यालयमा बैठक बोलाएको हो।
-1746009348.jpg)
