राष्ट्रियसभाको निर्वाचनको मतदानमा नेकपा र राजपाको गठबन्धनले विजयी सुरूआत गरेको छ।
राष्टियसभाका लागि प्रदेश दुईमा भएको मतदानको जारी मतगणनामा गठबन्धनले विजयी सुरूआत गरेको हो। नेकपा राजपा गठबन्धनको महिलातर्फ तुलसा दाहाल विजयी भएकी छन्।
नेकपाबाट उम्मेदवार बनेकी दाहालले नेपाली कांग्रेसकी नगिना यादवलाई पराजित गरेकी हुन्।
दाहालले कुल पाँच हजार दुई सय ८ मतभार प्राप्त गरेकी छन् भने कांग्रेसकी यादवले ४६४० मतभार प्राप्त गरिन्।
अहिले दलिततर्फको मतगणना जारी रहेको निर्वाचन अधिकृत राजकुमार खतिवडाले बताए।
उनका अनुसार राति ९ बजेसम्म मतगणना सम्पन्न हुन्छ। प्रदेश २ मा सम्पन्न राष्ट्रियसभाका चार सदस्यका लागि सम्पन्न भएको मतदानमा तीन मत बदर भएको हो।
