प्रहरीले २ दर्जन बढी आन्दोलनरत आवासीय डाक्टर तथा एमबिबिएस अध्ययनरत विद्यार्थीलाई टिचिङबाट नियन्त्रणमा लिएको छ।
सडक अवरुद्ध गरेर प्रदर्शन गरेको भन्दै उनीहरूलाई प्रहरीले नियन्त्रणमा लिएको हो।
उनीहरूलाई नेपाल पुलिस क्लबमा राखिएको छ। अहिले उनीहरू क्लबमै अनसन सुरू गरेका छन्।
त्रिवि शिक्षण अस्पताल महाराजंगबाट जुलुससहित बालुवाटार जाँदै गरेका बेला प्रहरीले उनीहरूलाई रोकेको थियो। बालुवाटार जान नदिएपछि उनीहरूलाई गेटबाटै प्रहरीले धरपकड गरी नियन्त्रणमा लिएको थियो।
