माओवादी केन्द्रले सांसद् देव गुरुङलाई प्रमुख सचेतक बनाउने निर्णय गरेको छ।
माओवादीको विस्तारित बैठकले उनलाई प्रमुख सचेतक बनाउने निर्णय गरेको पार्टी प्रवक्ता पम्फा भुसालले जानकारी दिइन्। सोही बैठकले कृष्णबहादुर महरालाई सभामुखको उम्मेदवार बनाउने निर्णय पनि गरेको हो।
यसअघि माओवादी केन्द्रले संसदीय दलको नेतामा पार्टी अध्यक्ष पुष्पकमल दाहाल ‘प्रचण्ड’लाई चयन गरिसकेको छ।
पहिलो संविधान सभामा पनि गुरुङ प्रमुख सचेतक थिए। उनी पूर्वकानूनमन्त्री पनि हुन्।
