नेपाली कांग्रेस संसदीय दलको नेता चयनका लागि सोमबार निर्वाचन हुने भएको छ।
शुक्रबार बसेको कार्यदलको बैठकले दलको नेता चयनको लागि कार्यतालिकासमेत सार्वजनिक गरेको छ।
दलको नेता चयनका लागि आज उम्मेदवारी दर्ता हुने भएको छ।
संसदीय दलमा सभापति शेरबहादुर देउवा र नेता प्रकाशमान सिंहबीच प्रतिस्पर्धा हुने भएको छ। महामन्त्री शशांक कोइरालाले भने सर्वसम्मत भए आफू संसदीय दलको नेता बन्ने बताउँदै आएका छन्।
