प्रधानन्यायाधीश गोपाल पराजुली पदमा रहेसम्म आफूले सर्वोच्चको पेशी अस्वीकार गर्ने डाक्टर गोविन्द केसीले बताएका छन्।
पराजुली प्रधान्यायाधीशको पदमा भएपछि स्वतन्त्र बहस नहुने भन्दै उनले सर्वोच्चको पेशी अस्वीकार गरेका हुन्।
अदालतको अवहेलनासम्बन्धी मुद्दाको विषयमा लिखित जवाफ दिनको लागि आज उनी सर्वोच्च अदालतमा उपस्थित भएका थिए।
उक्त लिखित जवाफमा उनले भनेका छन्, ‘मेरो भनाई गलत निर्णय गर्ने न्यायाधीश विरुद्ध हो, न्यायालय विरुद्ध होइन’ र यस कुरामा आफू दृढ रहेको भन्दै उनले अदालतसामू लिखित बयान पेश गरेका थिए।
