राष्ट्रियसभा चुनावबाट प्रदेश ४ मा बाम गठबन्धनबाट ५ र नेपाली कांग्रेसबाट २ जना विजयी भएका छन्। वाम गठनबन्धनबाट खुल्लामा २, महिलामा २ र दलितमा १ जना विजयी भएका छने भने नेपाली कांग्रेसले खुला र महिलाबाट एक एक जना विजयी भएका छन् ।
खुल्ला तर्फ वाम गठबन्धनका पर्वतका गणेश तिमिल्सीना, बागलुङका दिननाथ शर्मा, नेपाली कांग्रेसका गोरखाका सुरेन्द्र पाण्डे विजयी बने। उनीहरुले राष्ट्रिय जनमोर्चाका कृष्ण अधिकारी भन्दा बढी मत ल्याउदै विजयी भएका हुन्।
त्यसै गरि महिला तर्फ वाम गठबन्धनबाट बागलुङकी शान्ती जिसी, लमजुङकी दीपा गुरुङ, नेपाली कांग्रेसकी कास्कीकी बृन्दा राना बिजयी भए। उनीहरुले राष्ट्रिय जनमोर्चाकी मीना पुन भन्दा बढि मत ल्याउदै बिजयी भनेका हुन्।
दलित कोटामा एमालेका खेमबहादुर विक विजयी भएका छन्। उनले नेपाली कांग्रेसका जीतबहादुर नेपालीलाई हराउँदै बिजयी बने। विकले ३३ सय ९६ मत प्राप्त गरे भने नेपालीले २२ सय ९८ मत प्राप्त गरे।
निर्वाचन अगाडि नै अपाङ्गता भएकाको कोटामा तनहूँका प्रकाश पन्थ बिजयी भएका थिए। एमालेका अपाङ्गतर्फ स्याङजाका रामबहादुर थापाको उमेद्वारी निर्वाचन आयोगले खारेज गरेपछि कांग्रेसका पन्थ विजयी भएका हुन्।
स्थानीय तहका १ सय ७० जनाको ३ हजार ६० मतभार र प्रदेश सभा सभासद् ५९ जनाको २ हजार ८ सय ३२ मतभार रहेको छ ।
- गणेश तिमिल्सिना १७८२
- दिननाथ शर्मा १५३०
- सुरेन्द्र राज पाण्डे २२६२
- कृष्ण अधिकारी १९८
