कांग्रेस नेता मिनेन्द्र रिजालले मोरङ क्षेत्र नम्बर २ को विकासमा लागि जनताले आफूलाई प्रतिनिधिसभा सदस्यमा निर्वाचित गरेको बताएका छन्।
रिजालले विकास र समृद्ध नै राष्ट्र निर्माणको आधार भएको बताएका छन्। उनले मोरङको २ नं क्षेत्रका जनताले आफूप्रति विश्वास गरेकाले अब विकास र समृद्धिका लागि काम गर्ने बताए। उनले भने, ‘मोरङको २ नं क्षेत्रमा सडक निर्माण, बिजुली बत्तीको समस्या, नदीले कटान गर्दा हुने समस्या छन् ती समस्यालाई मैले हल गर्नुपर्छ।’
नेता रिजालले जनताले विश्वास गरेर निर्वाचित गराएकाले आफूले पनि यस क्षेत्रको धेरैभन्दा धेरै विकास गर्न सकौं भन्ने कामना गरेको बताएका छन्। बिहिबार विराटनगरमा आफू विजयी भएको प्रमाण पत्र ग्रहण गरेपछि उनले मोरङ क्षेत्र नम्बर २ का जनताको अपेक्षा धेरै रहेकाले त्यसलाई पूरा गर्न प्रदेशसभाबाट निर्वाचित सांसदहरूसँग पनि सहकार्य गरेर अघि बढ्ने प्रतिबद्धता व्यक्त गरे।
कांग्रेस नेता रिजालले मोरङ क्षेत्र नम्बर २ का जनताले भोग्नु परिरहेको समस्या समाधान गर्दै लैजाने बताएका छन्।
