माओवादी केन्द्रका अध्यक्ष पुष्पकमल दाहाल ‘प्रचण्ड’ आफैँले आइतबार बिहान निधन भएका छोरा प्रकाशलाई दागबत्ती दिएका छन्।
प्रकाशका छोराहरूको ब्रतबन्ध नभएका कारण प्रचण्डले नै दागबत्ती दिएका हुन्।
प्रकाशकी जेठी पत्नी सिर्जनाबाट ८ वर्षीय छोरा प्रसिद्ध छन् भने कान्छी बीनाबाट जन्मेका ४ वर्षीय छोरा प्रणव छन्।
उमेर सानै भएकाले उनीहरूको ब्रतबन्ध भएको छैन। ब्रतबन्ध नभएका छोराले दागबत्ती दिने चलन हिन्दू संस्कारमा छैन।
नर्भिक अस्पताल चिकित्सक जेपी जैसवालले पत्रकार सम्मेलनमा आकस्मिक हृदयघातका कारण प्रकाशको मृत्यु भएको बताएका थिए।
