नेपाली कांग्रेसको महामन्त्रीका लागि अहिले मतगणना भइरहेको छ। प्रारम्भिक गणनादेखिनै लिएको अग्रता गगन थापाले बढाउँदै लगेका छन्।
२१२० मत गणनामा गगनले १३८५ मत पाएका छन्।
दोस्रो स्थानमा विश्वप्रकाश शर्मा छन्। उनले ८५१ मत पाएका छन्। यस्तै प्रकाशशरण महतले ६९८ मत पाउँदा प्रदीप पौडेलले ६२१ मतसहित उनलाई पछ्याइरहेका छन्।
यस्तै महामन्त्री अन्य उम्मेदवार मिनेन्द्र रिजाल र राजाराम कार्की धेरै पछि परेका छन्। रिजालले ३६५ मत पाउँदा कार्कीले ५९ मत पाएका छन्।
नेपाली कांग्रेस महामन्त्रीको ताजा मत परिणामः
१५२० मतगणनामा
- गगन कुमार थापा १३८५
- विश्व प्रकाश शर्मा ८५१
- प्रकाश शरण महत ६९८
- प्रदिप पौडेल ६२१
- मिनेन्द्र रिजाल ३६५
- राजाराम कार्की ५९
कांग्रेस विधानमा महाधिवेशनबाट दुई जना महामन्त्री निर्वाचित हुने व्यवस्था छ। महामन्त्रीमा ६ जनाबीच प्रतिस्पर्धा छ।
सभापति शेरबहादुर देउवा समूहबाट डा. प्रकाश शरण महत र प्रदीप पौडेल छन् भने डा. शेखर कोइराला समूहबाट गगन थापा र मिनेन्द्र रिजाल मैदानमा छन्।
यस्तै प्रकाशमान सिंह समूहबाट विश्वप्रकाश शर्मा र विमलेन्द्र निधि समूहबाट डा. राजाराम कार्की महामन्त्रीको उम्मेदवार छन्।
यसअघि सभापति र उपसभापतिको मतगणना सकिएको छ। सभापतिमा शेरबहादुर देउवा र उपसभापतिमा पूर्णबहादुर खड्का तथा धनराज गुरुङ निर्वाचित भएका छन्।
