जब मैदानमा
क्रिकेट सुरु हुन्छ
देश एक हुन्छ
बल चल्छ
आत्मबल बल्छ
पल रुक्छ
आकाश झुक्छ
चम्किन्छ्न् खेलाडी
प्रदीप्त बन्छ देश
समय स्वर्णिम बन्छ
अनि रचिन्छ एक इतिहास
यसरी नै...
हिजो टिभीमा
इण्डिया हेर्थ्यौं
घरी
पाकिस्तान खोज्थ्यौं
आफ्नो कोही थिएन
र नि
रोज्नुथ्यो एक रोज्थ्यौं
तर अब
ठूला खेलमा नि
देख्नलाई
'फेस' फेरिएको छ
परिवेश फेरिएको छ
रोजाइको देश फेरिएको छ
महसुस भो
अब
मन फेरिएको छ
मुटुको धड्कन फेरिएको छ
आत्मीयता
सान्निध्यता
एकतासँग
बलभित्र विचित्र शक्ति अडिएको छ
भावना जेलिएको छ
चाहना मोलिएको छ
राष्ट्र जोडिएको छ
अनि
मनमा सदा बेरिएको छ राष्ट्रिय झण्डा
शानको झण्डा
मानको झण्डा
आत्मसम्मानको झण्डा
हितको झण्डा
प्रीतको झण्डा
जितको झण्डा
राष्ट्र गीतको झण्डा
नेपाल!
नेपाल!!
नेपाल!!!
