रोजगारदाताहरुको अन्तर्राष्ट्रिय संगठन (आइओई) का महासचिव रोबर्टो सुवारेज सान्तोसले नेपालको श्रम समस्या र व्यवस्थापनमा निजी क्षेत्र र नेपाल उद्योग वाणिज्य महासंघले गरेको कामको प्रशंसा गरेका छन्।
नेपाल भ्रमणमा आएका महासचिव सान्तोसले महासंघसँगको भेटमा हालै सहमतिमा भएको न्यूनतम ज्याला निर्धारण, सामाजिक सुरक्षा र औपचारिकीकरणका सवालमा खुसी व्यक्ति गरेका हुन्।
यसै वर्ष जेनेभामा सम्पन्न अन्तर्राष्ट्रिय श्रम सम्मेलनमा महासंघका अध्यक्ष चन्द्रप्रसाद ढकालले उनलाई नेपाल भ्रमणको निम्तो दिएका थिए।
सोही क्रममा नेपाल आएका उनले श्रमिक, रोजगारदाता र सरकारबीच रचनात्मक सहकार्य गर्नु पर्ने बताए।
महासंघका अध्यक्ष ढकालले नेपालको २०२६ मा हुने अतिकम विकसित मुलुकबाट स्तरोन्नती र यसले नेपालको अन्तर्राष्ट्रिय व्यापारमा पार्ने प्रभावमा आइओईको सहजीकरण आवश्यक रहेको बताए।
उनले निजी क्षेत्रको प्रतिस्पर्धात्मक क्षमता अभिवृद्धि लगायतका यो संस्थाको सहयोग चाहिने पनि उल्लेख गरे।
‘नेपाल २०२६ मा हुने एलडीसीमा स्तरोन्नती हुँदा हामीसँग अवसर र चुनौती दुवै छन्। यसबाट अगाडि बढ्न आइओईका अनुभव आदानप्रदान, विश्व समुदायमा नेपालको पक्षमा पैरवी र सहकार्यका लागि हामी आइओइको सहयोगको अपेक्षा गर्दछौं,’ ढकालले भने।
उनले नेपालमा लगानीको वातावरण सिर्जना गर्न, सरकार रोजगारदाता र श्रमिक संगठन बीच सुमधुर सम्बन्ध रहेको जानकारी गराए।
ढकालले औद्योगिक वातावरण निर्माण गर्न महासंघले सधैं उल्लेखनीय काम गर्दै आएको बताएका थिए।
जवाफमा सान्तोषले स्तरोन्नति पछिको अवस्थामा अन्तर्राष्ट्रिय क्षेत्रमा आवश्यक सहजीकरणका लागि आइओई सधैं सकारात्मक रहने बताए।
-1753341424.jpeg)
-1746009348.jpg)
