गोर्खा ब्रुअरी र पठाओको सहकार्यमा ‘ड्रिंक रेस्पोन्सिब्ली’ अभियान सुरु गरेको छ।
उत्तरदायी भएर मादक पदार्थको सेवन गर्ने र सुरक्षित यात्रा गर्ने संस्कृति प्रवर्द्धन गर्न गोर्खा ब्रुअरीले राइड–हेलिङ प्लेटफर्म पठाओसँग सहकार्य गर्दै ‘ड्रिंक रेस्पोन्सिब्ली’ अभियान सुरु गरेको हो।
यो पहल गोर्खा ब्रुअरीको वातावरण, सामाजिक उत्तरदायित्व र सुशासन ‘टुगेदर टुवार्डस् जिरो एण्ड वियोन्ड’ अन्तर्गत जिरो इरेस्पोन्सिबल ड्रिङ्किङ लक्ष्यलाई समर्थन गर्दछ।
यस अभियान मार्फत सामाजिक जमघट– विशेषतः रात्रिकालीन स्थलहरूमा सहभागी हुने व्यक्तिहरूलाई मद्यपान पछिको यात्रा सुरक्षित बनाउन पठाओजस्ता सेवाको उपयोग गर्न प्रेरित गरिनेछ।
यसले ‘ड्रिंक एन्ड ड्राइभ’ विरुद्ध सचेतना फैलाउँदै दीर्घकालीन जिम्मेवार व्यवहारलाई प्रोत्साहन गर्ने उद्देश्य राखेको छ।
‘यो अभियान केवल सन्देश हैन, चेतना र सोचमा रूपान्तरण ल्याउने प्रयास हो। सामाजिक उत्तरदायित्व प्रति हाम्रो गहिरो प्रतिबद्धता र स्थानीय सहकार्यबाट सकरात्मक प्रभाव सिर्जना गर्न सकिन्छ भन्ने उदाहरण हो,’ कम्पनीका बजार निर्देशक रोजन अमात्यले भने।
अभियानको प्रारम्भिक चरण काठमाडौं उपत्यकामा सञ्चालन हुनेछ। पठाओको डेटा–आधारित संचार संयन्त्र मार्फत सामाजिक तथा मनोरञ्जन क्षेत्रहरूमा लक्षित सन्देश प्रवाह गरिनेछ। जसले प्रभावकारी रूपमा जिम्मेवार मद्यपानबारे सचेतना फैलाउने अपेक्षा गरिएको छ।
नेपालमा ब्रुअरी कम्पनी र राइड–हेलिङ प्लेटफर्मबीच जिम्मेवार मद्यपान प्रवर्द्धनका लागि यस किसिमको सहकार्य पहिलो हो। यसले उद्देश्य–केन्द्रित सहकार्य मार्फत समाजमा सकारात्मक परिवर्तन ल्याउन सकिने सम्भावना उजागर गरेको छ।
-1746009348.jpg)
