कुपण्डोलस्थित द वेस्टमिन्स्टर कलेजले आयोजना गरेको पब्जी टुर्नामेन्टको उपाधि 'बाघ इ–स्पोर्ट्स'ले जितेको छ।
ब्रिटिस एजुकेसन ग्रुपअन्तर्गतको वेस्टमिन्स्टर कलेजले सञ्चालन गरेको प्रतियोगितामा 'बाघ'ले १३२ अंक प्राप्त गर्दै उपाधि जितेको हो।
जुन २ बाट सुरु भएको उक्त प्रतिस्पर्धामा ३२४ टिमबाट १,६२० खेलाडी सहभागी भएका थिए।
६ दिनसम्म सञ्चालन भएको अनलाइन प्रतिस्पर्धाबाट उत्कृष्ट प्रदर्शन गर्ने १६ टिमले अन्तिम चरणको लागि स्थान सुरक्षित गरेका थिए।
अन्तिम १६ मा स्थान बनाउने टिमहरूमा फोर डेथ मेशिन्स, फोर अन्डरडग्स, एब्रप्ट स्लेयर्स, एई, बीएसी, बाघ ई–स्पोर्ट्स, दाइ ई–स्पोर्ट्स, ईजी फाइभ, एलएफएम, फोर वाइडी, नेपाल गेमिङ (एनजी), आरसी थर्टीटु, रियल सेभेज, आरथग, श्रीपेच ई–स्पोर्ट्स र ह्वाइट डेविल्स रहेका थिए।
यी टिमहरूले जुन ८ देखि १० सम्म ल्यान टुर्नामेन्टमा १५ खेल खेलेका थिए।
सोही खेलहरूमा बाघले १३२ अंक ल्याउँदै उपाधि जित्न सफल भयो। उपाधिसँगै बाघले नगद ५० हजार रूपैयाँ पुरस्कार प्राप्त गर्यो।
नेपाल गेमिङ (एनजी) ले १२६ अंक ल्याएर दोस्रो स्थान प्राप्त गर्दै २० हजार रूपैयाँ जित्दा, बिएसीले १२४ अंकका साथ तेस्रो स्थान हासिल गरी १० हजार रूपैयाँ प्राप्त गर्यो।
फ्यान फेभरेट टिम घोषित भएको बाघले थप ६ हजार रूपैयाँ प्राप्त गरेको छ।
त्यसैगरी, 'विनर विनर चिकेन डिनर' जित्ने टिमहरूलाई कुल ९ हजार रूपैयाँ प्रदान गरिएको थियो। प्रतियोगिताको उत्कृष्ट खेलाडी फोर डेथ मेशिन्सका आदित्य घोषित भए। उनले नगद ५ हजार रूपैयाँ पुरस्कार प्राप्त गरे।
ई–स्पोर्ट्स हब तथा टेनेट्सको सहकार्यमा सम्पन्न 'वेस्टमिन्स्टर शोडाउन २०२५' कार्यक्रमको मोबिलिटी पार्टनर टुटल तथा डिजिटल पार्टनरको रूपमा डिजिपल सोल्युसन्स रहेको थियो।
कार्यक्रमपछि प्रतिक्रिया दिँदै कलेजका हेड अफ एडमिसन एण्ड मार्केटिङ गोविन्द देव बल्लभ अधिकारीले भने, 'यस्ता प्रतिस्पर्धा केवल मनोरञ्जनका लागि मात्र होइन, लिडरशिप, टीमवर्क र आत्मविश्वास विकास गर्ने एउटा माध्यम हो। वेस्टमिन्स्टर शोडाउन २०२५ ले युवाहरूलाई आफ्नो प्रतिभा देखाउने उत्कृष्ट मञ्च प्रदान गरेको छ।'
