यती डिस्टिलरी प्रालिले अन्तर्राष्ट्रियस्तरमा ख्यातिप्राप्त पौभा कलाकार समुन्द्रमान सिं श्रेष्ठलाई सम्मान गरेको छ।
नेपाली परम्परागत कलाको संरक्षण र विश्वस्तरमा यसको प्रवर्द्धनमा पुर्याएको योगदानको लागि सम्मान गरिएको जनाइएको छ।
श्रेष्ठको ‘द मिथिकल क्रेचर्स’ नेपालको समृद्ध कला एवं सांस्कृतिक विरासतप्रतिको सम्मान भएको कम्पनीले प्रेस विज्ञप्ति मार्फत जानकारी दिइएको छ।
पौभा कला परम्परामा आधारित उक्त कलाकृतिले नेपाली धरोहरमा गहिरोसँग जरा गाडेका मिथकीय पात्रहरूलाई चित्रित गरेको छ ।
‘यो कलाकृतिले सजीव र निर्जीव दुवै जगतका प्रतिकात्मक तथा अलौकिक जीवजन्तुलाई चित्रण गर्दै नेपालको सम्पन्नशाली कलात्मक धरोहरको गुणगान गर्दछ,’ श्रेष्ठ भने।
सम्मान कार्यक्रममा आफ्नो मन्तव्य व्यक्त गर्दै यती डिस्टिलरीका प्रबन्ध निर्देशक अभिषेक श्रेष्ठले नेपाली कलाकारहरूलाई समर्थन र सांस्कृतिक धरोहरको संरक्षण गर्ने कम्पनीको प्रतिबद्धता जनाए।
