लन्च प्याड २०२१ करियर तथा रोजगारी प्रदर्शनी आगामी साता हुने भएको छ।
विद्यार्थी तथा रोजगारीका लागि योग्य भएका जनशक्तीलाई सीप तथा शैली सिकाउने लक्ष्यसहित प्रदर्शनी हुने आयोजक संस्था पिपुल्स फर्स्ट कन्सल्टिङ एण्ड ट्रेनिङले जानकारी दिएको छ।
रोजगारीको खोजीमा भएका विद्यार्थीहरुलाई पेशागत सीप तथा शैलीका बारेमा जानकारी दिन परामर्श तथा अन्तरक्रियाको आयोजना गरिने छ।
काठमाडौं कलेज अफ म्यानेजमेन्ट, युवा उद्दमी फोरम लगायतका संघसंस्थाको सहकार्यमा आयोजना हुने यो तीनदिने कार्यक्रम मार्च ११ र १२ मा आयोजना हुने छ।
भर्चुअल माध्यमबाट सम्पन्न हुने यो कार्यक्रममा जोन हकिंङ्स विश्विद्यालयका सहायक डिजले करियर काउन्सिलिङ गर्ने छ।
यो कार्यक्रम अन्तर्गत मार्च १३ मा भने होटल र्याडिसनमा अन्तरक्रिया कार्यक्रम हुने छ।
