स्थानीय तह निर्वाचनअन्तर्गत कैलालीको धनगढी उपमहानगरपालिकामा मतगणना जारी छ। अहिलेसम्म ५१ हजार ६५ मतगणना गरिएको छ।
मुख्य निर्वाचन अधिकृतको कार्यालयका अनुसार पछिल्लो मत गणनामा मेयर पदका स्वतन्त्र उम्मेदवार गोपाल हमालले १० हजार ९ सय ९७ मतको अग्रता लिएका छन्।
उनले २२ हजार ५ सय ४१ मत पाएका छन्। उनलाई सत्ता गठबन्धनका साझा उम्मेदवार नेपाली कांग्रेसका नृपबहादुर वडले ११ हजार ५ सय ४४ मत ल्याएर पछ्याइरहेका छन्।
नेकपा (एमाले)का उमेदवार रणबहादुर चन्द ६ हजार ४२४ मतसहित तेस्रो स्थानमा छन् ।
उपप्रमुखमा एमालेकी उमेदवार कन्दकला राना १० हजार ८ सय ८० मतसहित अगाडि छिन्। उनलाई सत्ता गठबन्धनकी साझा उम्मेदवार नेकपा (माओवादी केन्द्र) की शान्ति अधिकारीले १० हजार ७०२ मतसहित पछ्याइरहेकी छन्। स्वतन्त्र उमेदवार प्रभाकर भण्डारी ६ हजार मतसहित तेस्रो स्थानमा छन्।
