नेपाली फिल्म क्षेत्रका चर्चित अभिनेता राजेश हमालको प्रतीक्षित पुस्तक 'युगदेखि युगसम्म' शनिबारदेखि बजारमा उपलब्ध हुने भएको छ।
काठमाडौंको कमलादीस्थित नेपाल प्रज्ञा प्रतिष्ठानको डबलीमा भोलि दिउँसो एक विशेष समारोहबीच पुस्तकको विमोचन गरिनेछ।
पुस्तकमा अभिनेता हमालको जीवनयात्रा, उनको फिल्मी करिअरका अनुभवहरू, सामाजिक तथा व्यक्तिगत विचारहरूका साथै समाजका विविध पाटो समेटिएका छन्। यो पुस्तक लेखक यज्ञशसँगको लामो संवादमा आधारित रहेर तयार पारिएको हो। पुस्तकमा लामो समयदेखि काम भइरहेको थियो।
विमोचनका दिन २५ जना व्यक्तिलाई पुस्तक उपहारस्वरूप प्रदान गरिने भएको छ। फाइनप्रिन्ट पब्लिकेशन्सको स्टलमा पुगेर नाम दर्ता गराउने पहिलो २५ जना व्यक्तिलाई राजेश हमालको हस्ताक्षरसहितको पुस्तक उपहारस्वरूप उपलब्ध गराइने भएको हो।
-1746009348.jpg)
