ललितकला पत्रकारितामा योगदान पुर्याउने चार पत्रकार सम्मानित भएका छन्।
नेपाल ललितकला पत्रकार समाज (सोफाज) ले शुक्रबार एक कार्यक्रमको आयोजना गर्दै पत्रकारलाई सम्मान गरेको हो।
२०७२ सालमा स्थापना भएको सोफाजले ललितकलामा याेगदान पुर्याउने पत्रकारलाई संगठित गर्दै व्यवसायिक र मर्यादित बनाउने काम गर्दै आएको छ। यो संस्थाले स्थापना कालदेखि नै पत्रकारलाई प्रोत्साहन स्वरुप सम्मान गर्दै आएको छ।
यो वर्ष नेपाल वरिष्ठ पत्रकारितामा अग्रज कलाकार एवं लेखक पत्रकार गेहेन्द्रमान अमात्य, ‘नारायणबहादुर सिंह ललितकला पत्रकारितामा गोरखापत्रकी शिवा तामाङ र दि काठमाडौं पोस्टका तिमोथी अर्याल सम्मानित भए। यस्तै, सोफाज–लक्ष्मीमाया कुमाले स्मृति ललितकला पत्रकारिता पुरस्कार नागरिकका रोहित राईले प्राप्त गरे।
कार्यक्रममा पुरस्कृत भएका पत्रकारले जनही ११ हजार १ सय ११ रुपौयाँ प्राप्त गरे।
