पहिलो हाफमा घरेलु डेपोर्टिभो ला करुनाबाट खाएको १ गोल दोस्रो हाफको एक मिनेटमै बार्सिलोनाले फर्काएको छ।
दोस्रो हाफको खेल सुरु भएको ६० सेकेन्डको समय नबित्दै डेनिस सुआरेजको क्रस अलेजान्द्रो एरिबासले क्लियर गर्न नसक्दा डिबक्स भित्र रहेका लुइस सुआरेजले बराबरी गोलमा परिणत गरेका थिए।
सुआरेजको ला लिगामा यो २१ औंं गोल थियो। उनी आफ्ना सहपाठी लिओनल मेसीभन्दा २ गोलले पछाडि छन्, स्पेनिस ला लिगामा।
यसअघि डिपोर्टिभोका लागि ४० मिनेटमा जोसेलुले पहिलो गोल गरेका थिए। उनको गोलका कारण घरेलु टोलीले पहिलो हाफमा एक गोलको अग्रता बनाएको थियो।
