पुल्चोक प्रहरीले संचालन गरेको सरप्राइज चेकिङमा चोरी गरेको सामान सहित एक जना पटके चोर पक्राउ परेका छन्। रामेछाप रामपुर ४ घर भइ ललितपुरमा बस्दै आएका रुपेश भन्ने रुद्रलाल तामाङलाई पक्राउ गरिएको प्रहरी निरीक्षक गोबिन्द पन्थीले जानकारी दिए।
गएराती १ बजे चेकिङका क्रममा बा ३३ प ८५३२ नम्बरको स्कुटरसहित उनी पक्राउ परेका हुन्। छायवहाल बस्ने केशरी श्रेष्ठको सुन, चादीका गहना र रकम चोरेर भाग्दै गर्दा उनी पक्राउ परेका हुन्।
चोरी भएको केही समयमा नै तामाङ फत्राउ परेको उनले बताए। तामाङ यस अघि चोरीको अभियोगमा २ पटक पक्राउ परिसकेका छन् । त्रिभुवन विमानस्थलमा एटिएम काउन्टर फोडेर चोरी गरेका उनले कुमारीपाटीमा सपिङ कम्प्लेक्समा पनि चोरी गरेका थिए।
