स्पेनिस लिगअन्तर्गत आइतबार लिओनल मेसी र बार्सिलोनाका खेलाडीहरू भिलारेलविरूद्ध महत्वपूर्ण खेलमा उत्रिदैछन्। अंक तालिकामा रियल म्याड्रिडपछि आफूलाई उछिन्दै सेभिल दोस्रो स्थानमा उक्लिएपछि बार्सिलोना अहिले दबाबमा देखिएको छ। यस्तो अवस्थामा आइतबार राती हुने खेल बार्सिलोनाका लागि निकै महत्वपूर्ण मानिन्छ।
यस्तै, अवस्थामा भिलारेलविरूद्धको महत्वपूर्ण खेलका लागि दक्षिणबाट अल म्याड्रिगलतर्फ लाग्नुअघि बार्सिलोनाका अर्जेन्टिनी स्टार स्ट्राइकर मेसीको परिवारसँगको एउटा अनौठो तस्बीर उनको प्रेमिका अन्टोनेला रोकुजोले पोस्ट गरेकी छिन्।
मेसीको दुई बच्चाकी आमा रोकुजोले इन्स्टाग्राममा पोस्ट गरेको तस्बीरमा मेसी आफ्नो परिवारसहित प्रिय कुकुरसँग विश्राम गरिरहेको देखिएका छन्।
मेसीको ४ वर्षे छोरा थियागो र १ वर्षे माटियोसँगै एउटा अजंगको कुकुर हल्क र टोबी तस्बीरमा देखिएका छन्। फ्रेन्च मास्टिफ प्रजातीको कुकुर हल्कलाई एक वर्षअघि मेसीले घरमा प्रवेश गराएका थिए। त्यो उनलाई एन्टोनेलाले उपहार स्वरुप प्रदान गरेकी थिइन्।
