अमेरिकी टेनिस स्टार सेरेना विलियम्सले अन्ततः आफ्नो जीवनसाथी भेटेकी छिन्। केटाहरुको विषयलाई लिएर चर्चामा आइरहने ३५ वर्षीय सेरेनाले आफूभन्दा २ वर्ष कान्छो एलेक्सिस ओहानजनसँग ‘इङ्गेजमेन्ट’ गरेकी छिन्।
बिहीबार आफू बैवाहिक बन्धनमा बाधिन लागेको समाचार सार्वजनिक गर्ने क्रममा सेरेनाले ३३ वर्षीय एलेक्सिससँगको तस्बिर सार्वजनिक गरेकी थिइन्। अहिले उनले ‘इङ्गेजमेन्ट रिङ’ पनि सार्वजनिक गरेकी छिन्।
एलेक्सिस रेडिट कम्पनीका सहमालिक हुन्। २२ वटा ग्रान्ड स्लाम जितेकी सेरेनाले २ वर्ष लामो डेटिङपछि एलेक्सिससँगको सम्बन्ध गत साता उजागर गरेकी थिइन्।
