बर्दियाको गुलरिया नगरपालिका ८ स्थित भन्सार रोडमा ट्रकले किचेर एक वृद्धाको मृत्यु भएको छ।
उत्तरबाट दक्षिणतर्फ जाँदै गरेको ना.३ ख. ५९०३ नम्बरको ट्रकले किचेर बर्दिया गुलरिया नगरपालिका ८ बस्ने ७५ वर्षीया राधा देवी बानियाँको मृत्यु भएको प्रहरीले जनाएको छ।
घटनालगत्तै प्रहरीले ट्रक र ट्रक चालक रोशन गिरीलाई नियन्त्रणमा लिएको जिल्ला प्रहरी कार्यालय बर्दियाका प्रहरी निरिक्षक चक्र बहादुर डम्बरपालले बताए।
