नेपाल प्रहरीकी चन्द्रकला लामगादेले दुई दिनमा दुईवटा राष्ट्रिय कीर्तिमान कायम गरेकी छिन्। उनले आइतबार ज्याभ्लिङ थ्रो तर्फ पनि राष्ट्रिय कीर्तिमान बनाइन्। उनले ४३ दशमलव ९४ मिटर लामो दुरी तय गर्ने क्रममा आफ्नै पुरानो कीर्तिमानमा सुधार गरेकी हुन्।
१० महिनाअघि भारतको पूर्वोत्तर राज्य आसामको गुवाहाटीमा आयोजना भएको १२ औं सागमा उनले ४३ दशमलव ९० को दुरी तय गरेकी थिइन्। पछिल्लो १० महिनाको अवधिमा उनले आफ्नो राष्ट्रिय कीर्तिमानमा चार पल्ट सुधार गरेकी हुन्।
शनिवार हिजो पनि उनले सटपुटमा आफ्नो नाममा रहेको पुरानो कीर्तिमानमा सुधार गरेकी थिइन्। २३ वर्षीय चन्द्रकलाले दुई दिनको अवधिमा दुई वटा कीर्तिमान कायम राख्ने आफ्नो प्रदर्शनप्रति प्रसन्नता जनाइन्।र्
गुरुहरु सबैको मेहनतले यो सफलता हात लागेको होर्, जीतपछि उनले भनिन्। चन्द्रकलाबाट आगामी आसन्न सागमा नेपालले ठूलो आशा राखेको छ। ताप्लेजुङकी यी पूर्व खेलाडी तीन वर्षअघि मात्र पुलिसमा प्रवेश गरेकी थिइन्। उनी पुलिस प्रवेश गरेपछि मात्र एथलेटिक्समा सक्रिय भएकी हुन्। यसअघि उनी ताप्लेजुङमा फुटबल खेल्थिन्।
.jpg?1482661188440)
