सामुदायिक बनमा पशुपंक्षी र बन्यजन्तुको अवैध सिकार गर्ने सिकारीले हानेको गोली लागेर झापा जलथलकी अनिता मेचेको मृत्यु भएको प्रहरीले बताएको छ। जिल्ला प्रहरी कार्यलय झापाले बन्यजन्तुको अवैध सिकार गर्नेले हानेको गोली लागेर मेचेको मृत्यु भएको जानकारी दिएको छ।
जिल्ला प्रहरी कार्यालय झापाले मंगलबार पत्रकार सम्मेलननै गरेर घटनाको ९ दिन पछि उनिहरूलाई सार्वजनिक गरेको हो। प्रहरीले झापा भद्रपुर नगरपालिका २ वस्ने वर्ष १८ को तिखु भनिने विषाल योङ्गहाङ्ग, सोही ठाउँका २० वर्षीय कालु भनिने किरण लिम्बु र ३२ वर्षका सुमन भनिने सुकन्द लिम्बूलाई सार्वजनिक गरेको हो।
गएको मंसिर २८ गते दिउँसो जलथल २ को रणकालिन सामुदायीक बनमा दाउरा लिन गएकी स्थानीय ३ नम्बर वडाकी ३२ वर्षीय अनिता मेचेको संकास्पद रुपमा गोली लागेर मृत्यु भएको थियो।
प्रहरीका अनुसार पक्राउ परेका तीनै जनाले आफूहरुले चलाएको गोली स्थानीय रणकालि सामुदायीक बनमा दाउरा खोज्ने एक महिलाको पाखुरामा लागेको स्वीकार गरेका छन्। गोली बिसाल योङ्गहाङ्गले चलाएका थिए। पक्राउ परेका तीनै जना सो बन क्षेत्रमा यस अघि पनि अवैध सिकार गर्ने गरेको प्रहरीको अनुसन्धानले देखाएको जिल्ला प्रहरी कार्यलय झापाका प्रहरी प्रवक्ता प्रहरी नायव उपरीक्षक हरिप्रसाद शर्माले बताए।
शर्माले भने, ‘उनीहरूले बन्यजन्तुको सिकार गर्दा हानेको गोलीले मेचेलाई लागेको हो। गोली लागेर गम्भीर घाईते मेचेको अत्याधिक रक्तश्रावका कारण सोही दिन मृत्यु भएको थियो। प्रहरीका अनुसार मेचेलाई एक राउण्ड गोली दाईने पाखुरामा लागेको थियो।
पक्राउ परेका मध्ये किरणले प्रहरीलाई दिएको बयान अनुसार बिसालले बन्दुक चलाएका थिए। प्रहरीले उनीहरूको साथबाट एक थान भरुवा बन्दुक त्यसमा प्रयोग हुने बारूद, असवाव सहित १ थान खुकुरी बरामद गरेको जिल्ला प्रहरी कार्यलय झापाका प्रमुख प्रहरी उपरिक्षक शैलेस थापा क्षेत्रीले बताए।
पक्राउ परेका तीनै जनालाई प्रहरीले कर्तव्य ज्यान, हातहतियार खरखजना र बन्यजन्तुको अवैध सिकारको गरेको आरोपमा मुद्दा दर्ता गरेको छ।
