काठमाडौंबाट खोटाङको हलेसी जाँदै गरेको जीप सुनकोसी नदीमा खस्दा ७ जनाको मृत्यु भएको छ। बा १२ च ८८ ९७ नम्बरको स्कार्पियो जीप सिन्धुलीको रत्नावती-३, सुखुखोलानजिक मध्यपहाडी राजमार्गबाट सुनकोसी नदीमा खस्दा ७ को मृत्यु भएको हो । घटनामा परी दुई जना गम्भीर घाइते भएका छन्।
दुर्घटनामा परी मृत्यु हुनेमा सिन्धुपाल्चोक फुल्पिङगकटट् ६ का ५० बर्षिय साङगदोर्जे शेर्पा, सोही स्थान ७ का ५७ बर्षिय बाले शेर्पा, बर्ष ५० की बिवुती शेर्पा, बर्ष ५० कै सर्किनी शेर्पा, गाडी चालक लमजुङ सानिभन्ज्याङ अन्दाजी ४० बर्षका झपटबहादुर गुरुङ काठमाडौं महानगरपालिका स्वायम्भु गोल्ढुङकी ६० बर्षिय टुकुली शेर्पा र सनाखत हुन नसकेका एक जनाको मृत्यु भएको जिल्ला प्रहरी कार्यालय सिन्धुलीले जनाएको छ।
गाडीमा ९ जना रहेको र ७ जनाको घट्स्थलमै मृत्यु भएको थियो भने घाइते रहेका १ जनाको उपचारार्थ काठमाडौं पठाइएको जिल्ला प्रहरी कार्यालयले जनाएको छ। एक जना अझै हराइरहेको प्रहरीले बताएको छ। घटनास्थलमा इलाका प्रहरी कार्यालय खुर्कोट, जिल्ला प्रहरी कार्यालयसहितको टोलिले उद्दार गरेको प्रहरीले जनाएको छ।
यस्तै जीपमा सवार एक जना हराइरहेका जिल्ला प्रहरी कार्यालयले सिन्धुलीले जनाएको छ।
प्रहरीका अनुसार जीप अनियन्त्रित भइ दिउँसो साढे २ बजे नदीमा खसेको थियो। जीपमा कति यात्रु सवार थिए भन्ने यकिन नभएको प्रहरीले जनाएको छ।
