प्रिमियर लिगमा सोमबार राति भएको खेलमा मिडल्सबर्गसँग पराजित भएसँगै हल सिटी रेलिगेशन तरफ धकेलिएको छ। गएरातिको खेलमा हलसिटी १–० गोल अन्तरमा पराजित भएको हो। ग्यास्टन रामिरेजले गोल गर्दै मिडल्सबुर्जलाई जिताए। ग्यास्टन रेमिरेजले ६० औं मिनेटमा हेडमार्फत गोल गर्दै मिडल्सबर्गलाई जित दिलाएका हुन्।
यो हारसँगै हल सिटीको रेलिगेशनमा पर्ने सम्भावना बलियो भएको छ। हलले लिगमा १४ खेलबाट ११ अंक जोडेको छ। तीन खेलमा जीत र २ खेलमा बराबरी खेलेको उसले ९ खेल हारेको छ। हल अंक तालिकाको १९ औं स्थानमा छ। हलले अंक तालिकाको पुछारमा रहेको स्वान्सीलाई मात्र उछिनेको छ।
